Vanlawng in kah An Bawmh Chih ko hna nain Ralhrang Uico 20 nak tam an thihnak Myaung Peng I kah nak

Tamasekhan khuate pawng kahnak ah Ralhrang nih vanlawng in tanglei kah a bawmh ko hna nain uico minung 20 nak tam an thi thiamthiam.
Chokhleipar

Sagaiang ramthen Myaung peng Tamasekhan khuate kam ah ralhrang uico le mipi ralkap an i kah i ralhrang lei nih vanlawng he an kah hna. Nain ralhrang uico minung 20 nak tam an thi thiamthiam tiah Seven People Defence Force nih thawngthanh nak a tuah.

Nizan May 29 zanlei sang ah ralhrang uico le mipi ralkap cu suimilam pathum cung an i kap hna. Hi i kahnak ah ralhrang uico pawl hi minung 20 cung an thih lawng si lo in tamtuk nih hliamhma an pu tiah theih asi. Ralhrang uico a kaptu PDF hna hi MS PDF ၊PDF (MGN District) ၊TTA ၊ Seven People Defence Force ၊ 27 Revolution Force he pawl an i fonh tiah theih asi.

I kahnak ah ralhrang lei nih hriamngan pehzulh in an kah caah mipi ralkap lei in pakhat nunnak a liam i a dang minung 7 nih Hliam fa an tuar tiah Seven People Defence Force nih an chim. Ralhrang uico a thimi an tamtuk ruangah vanlawng in mipi ralkap cu a hung kah timh hna nain a caan te ah mipi ralkap hna cu hnu an kir kho than hna.

Tutan i kahnak hi a caan a sauh pah caah mipi ralkap lei in hriamnam an hman mi budget vun tuak tik ahcun phu khat lawngah a tlawmbik kyat nuai 150 cio cu an dih lai caah bawmh kan herh ko tiah Seven People Defence Force nih an thanh chih. Myaung peng chungah ralhrang uico phu nih ral lam an hun kan ser caah may thla zarhnih chung lawng ah khua 7 mei in an kan khangh dih cang tiah an thanh fawn.

Be the first to comment

Leave a Reply

Your email address will not be published.


*