Vawleicung Demicracy Ram Lakah A Him bik Mi Kirea Le Japan

Democracy ram pawl lakah a him biknak Korea le Japan…

Voikhat Sunday ahkhin, ka hawipa he aa hlawk dommi a lang rianṭuan dingin km 200 aa hlatnak hmun ah kan ithawh. Kan rangtum khi ‘kilo 100 ka khalh cun, nang kilo 100 khalh si ve seh” ti in akhalh kan ichawng.

Kan ichawn lai ah lampi idinhnak hmun ahkhin chunchaw ei ah kan pial. Chuncaw kan ei dih khin tuallai kaupi kiang i tonak hmun ah coffee kan ding.

“America an timipi cu a zalen tuk an ti ko nain, atu bantuk lenglang tuallai hna i coffee na din cuahmah lio ahhin na theih lonak hmun in kuanfang a rung zuang lai i na lu bik in tleng lak an hrilh lai ti chim khawh si lo,” ka tongh ai!

A nihnak ah thi deng. “US cu ka uar nemmam lo” a ti.

“Chim tlaklo Lai milu barawh zat hmanh nih dawh lampi i motor ikhalh cuahmah lio ah kuanfang nih a khen hna i a thimi minung pahnihthum an um cang.”

Tikah, Laimi hmanh nih kan ton ve cangmi khi cu miphun dang lebang nihcun an rak ton tuk diam cang ti a fiang, a ti.

Trump phunphai ai rak ihruhpimi Australian pa nih New Zealand ram i Muslim pawl ipumhnak hmun ah meithal bak in a va kah ciammam hna; khuaci an rak mui.

Ikahnak, damiah inn baoh ti phunphai khi a him bak e, a dai bak bik e an ti leenmi Europe le Scandinavia tehna ah an tor.

Zeicahtiah cun, Vunrang phun pawl khi a fiimmi le a ṭhami cu an fiim in an ṭha tuk ko. Nain, a hrut le amolh, Mirang holh cu an holh ve sawh naan zei thei lo, mipamh le mi chiatserh lawng a hmangmi thah cawklo an si.

Vunrang le Vainak phun lakah cun, minung hawi hmanh minung ah a ruat lomi an tampi.

Indianapolis khuapi chungah Laimi zeimawzat meithal kah an tong cang. An case nihin ni tiang an hliah khawh lomi, zungzal hliah khawh ti lo ding lawngte an si dih.

Zei ruangah? Minung pumpak zalennak an aupi tuk tikah, CCTV camera bunh kong ah an buai. US ram tbk ah cun hmun kip ah CCTV camera um lo. Indy lebang cu an downtown hrawnghrang lawngah khin a nungmi pahnihthum a um i si ko, ti si.

Korea, Japan tbk ah cun si lo. Hmun kip ah CCTV camera lawngte. Korea le Japan nak hmanh nih Caina an tiru deuh rih.

Caina ram khi tluk milu an tam tuk lawpaw nak, minung 1.4 billion reru khuasaknak ram kaupi ahkhin misual a zaam kho lo tengteng.

Cozah nih pumpak zalonnak an reek hna si lo. Mi zapi himnak caah chanthar fimthiamnak in an ikilven tu si deuh.

Minung sa hmanh a rak ei ngammi, an muvi chung lebang cun, misual lawngte ti ding Korean pawl zong phung nih a rengh dih hna.

Midang cung i kuttum na thlak ngam ahcun, $ 3,000 paoh cu na liam tengteng a hau. Thongh hmanh kuttum le chuih hmang kee cu phung in an rengh dih.

Meithal lebang, Korea ram chung i mah duh salam i meithal hna naa luhpi khawh ahcun, Guiness World Record ah taar phu na si hnga.

Tikah, East Asia ram lakah miphunpi ah aa ruatmi Korea le Japan ah cun mi zaran nunnak a him tuk.

An milu an chah tuk hoi i nai dawh ngang zongah hawihlei i mi chawnhbiak na thiam, na aanka a thlum khawh lo ahcun, pawcawmnak hmanh ah fawi lo.

Nitlak ram tham ah tla berbur zong in sushi hna an hei can dedep i Lai mirum cem bakah ichuah khawh si cu mu.Umhar phen na rel awk i hei thai sawh bia.Credit-Salai C. Alexander

Be the first to comment

Leave a Reply

Your email address will not be published.


*