Victor Khen Sang~ Va Philh Hlah

Va Philh Hlah
××××××××××××

1. Na lung donghnak ding bia an chim lengmang mi hna khi anmah tu khi lungdongh ahmang ngai mi an sinak kha na mit hmuh le na hna theih in an rak in chimh mi asi kha va philh hlah.

2. Mi lungput țhalo hna thil tuah mi kip khi lehrul cham ding va tim hna hlah, zeicatiah athumi thingthei cu an mah tein an țil lengmang ko ti kha va philh hlah.

3. Keimah ka țha ko i mi vialte hi an țha dih ve lai tiah va daithlang hlah, zeicatiah cakei khi keimah nih ka seh hmasa lo ahcun a ka seh bal lai lo ti in a pawng ah daithlang in na va um bantuk asi kha va philh hlah.

4. Ahram anung mi thingkung cu akiak hmanh ah anung țhan tawn, asinain akiak hnu ah athi thai mi thingkung cu ahram athicia in adir sawhsawh mi thingro asi kha va philh hlah.

5. Minung nunnak hrampi asimi kan dawp mi thli hi athawtnam theih khawh le a mui hmuh khawh asi lo nain kan nunnak thaw petu asi cu kan i fian dih bantuk in nunnak bia taktak cu simh ahmang mi rawl bantuk le cu mui kha mui akeng tiah soisel awk in alangmi lenglang bia sawhsawh an si bal lo ti kha va philh hlah.

6. Va asimi paoh zuan an thiam dih nain azuang mi paoh va an si lo, zeicatiah fikfa le thopaw zong an zuan thiam ve caah va an si hlei lo ti kha va philh hlah.

7. Lih le hlennak in sermi buu, innchungkhar le hawikomhnak paoh khi cu puak te ding hrim in vulei tang ah phuum mi bom bantuk asi kha va philh hlah.

Credit-Victor Khen Sang
July 20, 2022

Be the first to comment

Leave a Reply

Your email address will not be published.


*