(+VIDEO) Nang zeitin na ruah? Rev. Hoi Cung Tum Nih December 25 Christmas hi Sehtan a biami hna an pathian chuah ni a si ti bak in a chim


Laimi nih uar ngaingai mi le Pathian nih hman ngaingai Rev Hoi Cung Tum nih Christmas kong cu mah tihin fiang taktak in a chim. a chimmi cu Christmas ah cun kan i nuam taktak. Pathia tah ai lawm ve hnga maw? Christmas ah thil thar na cawk, music na chuah, lamkip ah ttamhnak na tuah, na phaisa  na hlut i lamkip ah ttamhnak

na tuahmi hi Jesuh ai lawm lai tiah na ruat maw? Pathian ai lawm lai tiah na ruat maw? a chuah ni a si lo mi pi, a chuah ni  a si tiah na ti i, na thangthat le a conglawmhmi hi Pathian ailawm lai tiah na ti maw. ka chim duhmi cu December 25 hi Pathian thangthat kha a sual ka ti hrimhrim lo. Nifate hi kan nih ca ahcun Pathian thangthat ni peng a si. Dec 25 van chim lo, ni 22 zong, ni 23 zong

zeitik poh ah Pathian thangthat  ding a si ko nain  Dec 25 thengtheng hi kan thlarau  i thang deuh bantuk, tui hnai deuh bantuk kan um mi hi a Amah Jesuh ruang ah si loin a nithla le lenglei thilri boruak nih a kan hrimh mi le a kan lawmhtermi a si ahcun cu lawmhnak cu Bawipa ca ah sullam ngei lo mi lawmhnak le raithawinak an si tihi na sin ah chim ka duh mi a si. Pathian minung hna

nihin i December 25 Jesuh chuah ni kan timi hi  Jesuh chuah ni si loin Hlan lio i Babilon hna i an pathian Nika pathia chuah ni an rak lawmhmi kha Jesuh chuah ni tiah RC Roman Catholic nih an rak thlen i, kannih RC in kan chuah hnu ah RC pawl an programe vialte kha kan i chuahpi mi a si tihi nan sin ah chim ka duhmi a si. Atang ah a chimmi video kan chiah chih

Pu Liante Lai nih mahtihin Chintube kong ah a hmuh ning cu a tial ChinTube nih atuah mi bantuk tuah kha Laiphung asilo pinah Pathian lomhmi asi ka zumlo.Nihin boruak tibantuk ahcun ChinTube an timi nih(Singer of the year/ Book of the year/Man of the year)tibantuk December 10 ah a tuahmi kha. A zeipoh va siseh a dih cang i attha ah chiah a hau cang. Amah belte

(Man of the year)an pekmi ahkhan, tamdeuh in tuak hna sehlaw ,CNF/A. ah a thawkka tein attuan i nihin tiangah Sifak harnak dirhmun ah a dirmi Pu Zing Cung asi lole Pu Solomon khi an pek hna ka zumh. an nih khi CNF/A. thawkka in (Cangvat) lakkar le ruahpi sur kar ah buk satu an si. A hmincia eitu le Meikau cia chemtu an si bak lo. Cun pakhat tthan. Khrihfa kan si bantukin Pathian kan thangtthatni le kan i pumhni hi kan zah a herh. Pumh zan tibantuk le pumh procream tibantuk kan hrial a hau.

Zarhteni zan pumlo tibantuk i tuah tiphun cu. Cun nihin bantuk boruak ah nimhhneih nak rak tuah phun. Laiphun ahcun, a ttapmi ttahpi le ngaihchia mi chiatpi phung asi. Mithih lio i social rak tuah phun cu, Ramdang tining maw sihnga tiah ruah a fawite. A ngai ngai tiah cun, nizan bantuk thil kha, Laiphung asi lo i Pathian lomh zawng zawng asi ka zum lo. Va sikho sehlaw, Nihin boruak le akan Pathian biak can tibantuk ahcun, midang nih cun van tuah ti hna hlah sehlaw ttha hnga ,Atu rih ahcun ka ti.

Kalaymyo Ah SAC Ralhrang Nih Nu 2 An Tlaih Than Hna!Kalaymyo khuapi Aungthetsar (အောင်သစ္စာ) sang ah khuasa mi kum 40 tluk upa Mih Mih Win (မိမိဝင်း) le Aungmyayman sangah ummi Hnin Phyu Sin Hlaing (မနှင်းဖြူစင်လှိုင်) hna cu December 15 chun ah SAC ralhang nih an tlaih hna tiah theih a si.

Tleihkhih a tongmi hna nu 2 konghe pehtlai in zeiruang ah an tlai hna ti cu hngalh a si rih lo tiah pawngkam mi cheukhat sin in theih a si.December 12 lio zong ahkhan PDF thilchan tu nan si tiah Kalaymyo tualchungmi minung 5 SAC ralhrang nih an tlaihcang hna tiah theihchih a si.

Matupi Ah Umi SAC Ralhrang 7 Hna Cu Hriamnam Pawl He An Zaam!.Chin ramkulh Matupi hrambunh SAC ralhrangpawl chung in ralhrang 7 hna cu December 14 ah hriamnam he an zaam tiah Zalen nih a langhter.

SAC ralhrang 7 an zaam ti tik ah an milu zah fian a sirih lo. Micheu nih cun SAC ralhrang 4 le ralhrang palik 2 hna cu hriamnam tling le RPG zong an i kenchih tiah an chim.

Hi bantuk thawngpang a chuah hnu in Matupi khuapi ah ummi SAC ralhang pawl nih December 14 thok in khua pawngkam hna ah an kawl hna i hriamngan le meithal zong an puahkah hna. Cu pin ah Matupi khualuh chuahnak hna zong ni 3 chung phihkhar a silai tiah theih a si.

Matupi khualuh/chuahnak phihkhar a si ruang ah Pakokku khuapi in mawtaw he a raktlung mi mipi hna zong lampi ah an i hreng i a kihtuk caah Chainpain (ချန်းပြန်းရွာ) khua ah lut in mei an toh hna nain SAC ralhang Lak-Khah-Yiah 304 in hriamngan pawl hmang in an kah hna caah ramlak ah an tlizaam dih tthan hna tiah theih a si.

 

 

 

 



Source link

Add a Comment

Your email address will not be published. Required fields are marked *