(+Video) Ramthumnak Laimi Dollars In CNF/CNA Nih Meithal An Cawkmi He Training An Tuahnak Video rak Zoh ve hmanh – Thawngpang Dik Thanh Hna Usih

A sunglawi taktak. CNF CNA nih ramdang um mi Laimi hna nih nan thawhmi dollars hmang in meithal thar an cawkmi pawl hna cu an vun langhter cang hna.

cu meithal hna cu Video he kan van taar hna. Ram dang um mi nan lungdong bak hlah uh. Atu an cawk mi pawl hi Automatic meithal lawng te an si i, ralkah nak ah metre 500 renglo a phak khawh ti ah theih a si i, atu a tang lei ah Video kan hmuh bang in

CNA ralkap hna nih ram le miphun caah kan thih tiang kan tuan lai. CNF nih a neih mi policy cu fek ten kan zulh lai tiah biakamnak an tuah lio Video a si. CNF/ CNA nih dollars nan thawh mi hi a zawn te ah a hloh ko. ningcang loin a hmang bak lo ti mi zong a langhter mi  a si. CNA

cu hriamhrei tha tha a neih cang caah raltuk zong ah a cak cuahmah cang lai. Cucaah a ho hmanh nan tha chia hlah uh tiah bia cah nak cong an tuah. Chin mi Lai mi vialte hmuh ding in an langhter mi hriamnam hi rak zoh cio ve hmanh uh, nan i lawm cio ko lai dah.

Kyainnsaitkyi Ah SAC Ralkap Pakhat A Hriamthil He CDM A Tuah. Karen ramkulh, Kyainnsaitkyi ah SAC ralkap kuttang um khah-lah-yiah 284 in ralkap pakhat cu KNLA sin ah a hriamthil he CDM a tuah tiah tualchung hriamtlai Nagani phu nih cathanh an chuah.

Khah-lah-yiah 284 in SAC ralkap Sat Paing Htun cu December 1, chun suimilam 12:00 hrawng ah Nagani ṭat-khuai 2 le KNLA battalion 17 ṭat-khuai 2 sin ah a hriamthil he CDM a tuah tiah theih a si.

CDM a tuahtu Sat Paing Htun cu a herhmi thilpuan hmanding le bawmhnak kan pek tiah an thanhmi ah an langhter.Nagani ṭat-khuai 2 le KNLA battalion 17, ṭat-khuai 2 sin ah CDM tuahtu ralkap 10 leng an si cang tiah an langhter.

MOU in Thailand ah phungning tein riantuan ding ah a kalmi Myanmar mi 3 cu an i tinhnak hmun an phanhlan lam tanțim ah an motor aa leh caah an nunnak a liam tiah theih a si.

Nunnak liammi 3 hna cu Shan ramkulh Pinlung peng Htiyun khua ah ummi Khun Han Aung(kum 19) le a rianțuan hawi minung 2 an si tiah theih a si.

Ramchung buaibainak ruang ah le thilman an kai, hartong an tam i rianțuan ding a har caah ramleng kal ding in MOU system hmang in phaisa tampi dih in ruahchannak tampi he November 29 ah Pa Khun Han Aung telh in Myanmar rammi mining 45 cu khualtlawng motor he zaan ah an chuak hna tiah theih a si.

An i tinhnak hmun an phak hlan lam tanțim Mesauk-Bangkok lampi km 68 hmun pawng an phanh ah motor in cangsual an ton caah Khun Hai Aung telh in Myanmar mi 3 an nunnak a liam i, midang Myanmar mi hna zong hliamhma an tuar hna tiah theih a si.

 



Source link

Add a Comment

Your email address will not be published. Required fields are marked *