(+Video) Tial Thang Le Philippine Pa Cu Hmaitonh Bak in An Zohter Hna i, Vuak An Tim Colh. Video Hi Rak Zoh Ve Hmanh – Thawngpang Dik Thanh Hna Usih


Chin Fighter MMA velhthiam Tial Thang le Philippine pa cu hmaitonh bak in cheih an i timhnak cu an van langhter cang. Tuchun ah an pumrua hmuhsaknak le an khingrih thlainak an tuah i, Cu ahcun angli lo bak in hmai an tinh ter hna. Tial Thang nih

a ngamh tuk caah a kut in a sawh len i a au hnawh len fawn. Atu Philippine mah hi a min ah Jeremy Pacatiu ti a si i, tthuat a thiam bak mi a si tiah an chim. Amah hi an i vuak poh ah sunggh a duh lo i, a sung cia mi zong nolh chap le thongh chap a hmang tiah an chim

Atu Philipine pa hi Tial Thang nih a chim ning ahcun keimah nakin a senior deuh, vuak phun zong a thiam deuh nain, zoh te cu a tlu ko lai tiah Tial Thang nih cun a chim. Atu an tonghnak ding hmun hi Philippine ram Doha khua ah a si lai i

an i thongh ding nicaan hi thaizan December  3 zan ah hin a si lai tiah theih a si. Chin miphun le Tial Thang a dirpi tu hna nih Tial Thang ca ah biatak tein thla kan cam piak a hau tinak a si.

Chin ramkulh chungah, leitang bomb phummi i lamh sual ruangah, India lei ah aa thlopbulmi minung 100 leng an phan tiah theih a si.

Chin ram chaklei thlanglei ah bomb in aa hliammi minung an tam i, a tam deuh cu, lo kalnak, dum kalnak le sia an kawlnak ti bantuk ah bomb an i lamh sual caah aa hliammi an tam.

November 29 lio zong ah, Matupi Laungban khua ah, nuva hna dum an kalpah ah bomb an i lamh sual caah, an pa cu a hmun ah a nunnak a liam i a nupi cu Naypyidaw sii-inn ah an kalpi tiah theih a si

Breaking News: Hualngoram Chungah CNDF-Falam Nih Khuami Minung Pahnih An Tlaih Hna. CNDF-falam hna nih Rihkhuadar khua mi pakhat (Phone Tower zohkhenhtu) leh Tio khua mi pakhat (Dinti zohkhenhtu) hna cu nizan December 1,2022 ah khan an tlaih hna tiah theih a si.

Tio khua mi pakhat deuh cu a hnu ah an thlah than nain. Rihkhuadar khua mi pakhat bal te cu an thlah duh lo ruang ah

Rihkhuadar khuami mino 100 hrawng cu, a sual a palh lomi, an khuapa va chanh chuah ding ah CNDF-falam camp Lianhna Camp ah cun tlai hnu khuamui kaa hrawng ah an va kal colh. Mipi an phanh thluamah lio ah cun CNDF nih an tlaihmi pa cu

An van chuah than. Thil poipang a chuak manh lo ca ah lawmh a um ngaingai tiah Lalsawm Liana nih a fb ah a taar. CNDF hi Hualngo ram chug Chawhte khua thingram an hual mi zong an laak hau bal I, an coffee dum zong an rak hrawh piak zual hna ca ah Chawhte khua mipi le CNDF karlak ah I hmuh thiam lonak a rak um bal ti ah theih a si.

Thailand ram Turk pengkomh ah motor khaltu agent nih a kaltakmi Myanmar rammi 13 kan tlaih hna, tiah No.34 Thailand ramri hngaktu ralkap hna nih November 30 ah cathanh an chuah.

Phung ning loin Thailand ram ah motor in Myanmar rammi an lut tiin thawng kan theih caah a luancia November 29 zanlei in kan bawh hna i, cu motor cu Turk pengkomh Melamat hmunram sii-inn hmai ah kan hmuh, tiah an langhter.

Cu motor cu kan dirter i dir duh loin Mawwa(မော်ဝါး) khua lei ah a zam caah kan va dawi i Mawwa khua lam kam ah motor cu a dir i, cu chungah Myanmar rammi nu 9 le pa 4 cu kan tlaih hna, tiah an cathanh ah cun an langhter.

Myanmar rammi hna nih November 29 chun in Thaungyit tiva cu tilawng in an tan i Thailand ram ramlak in motor khaltu agent nih a kalpi hna, tiah theih a si.

Tlaih a tongmi Myanmar rammi hna cu Bangkok khua ah rianṭuan dingin a kalmi an si i, minung pakhat ah bath 25,000 in 27,000 kar kan dih, tiah an chim.

Tlaih a tongmi hna cu upadi ning in dantatnak tuah ding in Melamat palik sakhan ah an kalpi hna, tiah theih a si.

 



Source link

Add a Comment

Your email address will not be published. Required fields are marked *