Vok Zuat In Rum Na Duh Ahcun A Tanglei Vok Zuat NincAng Hi Thate In Rel Hmasa

Vokfa zeitin dah kan thim lai?

Vok hi chungkhar kip cio nih kan ti khawh tawk tein pakhat pahnih cu kan I thlah I kan zuat cio. Chungkhar phaisa luhnak zong ah a bebawm kho ngai mi satil pakhat a si. Cu vok kan zuat tik ah vok thau (အသားတိုး), Vokpi (မျိုးဝက်မ) le Vok khong (ဝက်သိုး) tiin phun thum in then in kan zuat tawn. Cucaah kan zuat duh mi vok phun he aa tlak mi vokfa thim thiam zong hi a rak biapi ngai.

1. Vok Thau (အသားတိုး)
Vok thau caah vokfa kan thim tik ah
– Vokpi nih hnuk a thlei hlan te in zoh cia a herh
– A thekfak a tha I hnuk aa cuh kho mi vokfa
– A liang le a tawk ah a taksaa aa benh mi
– Vokpi nih a thlei ah a tlawm bik 4kg a si mi vokfa

2. Vokpi (မျိုးဝက်မ)
Vokpi zuat kan I timh tik ah kan zuat ding mi vokfa thim hi a biapi tuk
– Vokpi ca vokfa kan thim tik ah a tlawm bik a hnuk 12 a ngei mi vokfa a si a herh. Mah lawng ah a hrin mi a fa le tha tein hnuk a pek khawh hna lai.
– Amah a hring tu vokpi zoh in vokfa thim a herh. A hring tu vokpi nih a fa le a thlei tik ah vokfa 9-10 a tlawm bik a thlei mi vokpi I a fa asi a herh.
– Cun Kumkhat a si ah fa a hring mi Vokpi I a fa a si ah cun a tha hlei khun.
– A chia tha (vulva) a ngan mi, a tawk a tha mi, a kut a ke a ngan mi (strong legs), a ke pha a nge mi a si a herh
– A hnuk aa thap tuk mi (kerh lei le orh lei a ngee lo mi) vok cun a hnuk baa ah a thau a tam tuk mi vok cu Vokpi caah a tha lo
– Vokpi ah kan zuat ding mi vok cu a tlawm bik thla riat (8 month) a si ah vokpa he kan hmanh a herh

– Vokpi a voikhat nak bik hmanh a zaat caan ​- Thla riat
– A ngeih ding mi a rih zaan (Body weight)​- 100-120kg
– A phol caan ​​​​​​- Ni thum
– Ni 18 in ni 24 ( buak tlak in ni 21) ah an phol than
– Fa voikhat a thlei in ni 2-10 kar ah an phol than
– Vok an fa pawi caan cu ni 114 a si

3. Vok khong (ဝက်သိုး)
– A kut a ke a bomban a tha mi, a dong a sau mi a si lai
– A hnuk a tlawm bik 12 a si lai I an um nak a ruang mi a si lai
– A hring tu a pi zoh in thim a herh ve, a mah a hring tu a pi nih a tlawm bik vokfa 8-10 tiang a thlei kho mi vokpi I a fa a si a herh
– A chia tha (testes) a ngan mi, a hmet ngan a tia mi (Same size) a si a herh
– Amah he a chuak ti mi vokfa lak ah a ngan bik, a thekvak a tha bik a si lai
-A tlawm bik thla 8 a si ah nu a kai mi vok khong a si a herh

Acung lei kan rak tial mi bantuk in vokfa a tha mi thim thiam khawh I zuam hna usih
Vokfa zoh khenh ning le vok zawtnak kong a dang dang zong tial than kan rak I zuam rih lai.

fidi veterinary supplies andservice ah satil ngandamnak lei le thlawpnak kong ah pehtlaih khawh peng kan si.Credit-fidi veterinary supplies andservice

Be the first to comment

Leave a Reply

Your email address will not be published.


*