Vokpi caah kan zuat ding mi Vok zohkhenh ning cang

Vokpi caah kan zuat ding mi Vok zohkhenh ning cang

Vokpi caah kan zuat hnga ding mi vok cu tha tein zoh khenh le a mah a herh mi rawl (nutrition) tlam tling tein pek piak a herh. Rawl (Nutrition) ah Carbonhydrate (ကစီဓာတ်), protein (အသားဓာတ်) , minerals, vitamins le tithiang (water) tlamtling tein kan pek khawh ah cun tuan tein in a cuu zaa lai , tuan tein aphol lai. Vok pi caah kan zuat mi vok cu zerh 24 a si ah a phol le phol lo check a herh. Voknu I an zaat caan cu thla 5 le cheu in thla 6 asi I mah ah hin a voikhat nak a phol a herh. Mah nak in ahnut deuh ah cun na vok nih a herh mi tirawl a bau deuh caah a si kho.

Vok cu voikhat nak an phol ii ni 21 (Buaktlak in ni 17-25) hnu ah a voi hnihnak an phol than lai. Cucaah vokpi caah kan zuat hnga mi voknu cu a voihnih asi lo ah a voithum nak a phol ah hmanh ah a tha bik.Voknu I an phol caan hi buaktlak in nithum a rau.

Vok an phol caan hi zeitindah kan check lai?
Vok an phol caan hi then thum (3 Stages) ah then a si.

• 1st stage: Voikhatnak bik a phol nii (Early heat sign)
o Dai tein a um lai lo, a dir thulh a thu thulh in a mah tein aa tuai taam lai
o A chiatha (Vulva) a sen lai I tlawm pal a phing pah lai
o A chiatha in a raang mi tiihang (White mucus) a chuak lai
o Mah caan ah hin cun vokpa he hmanh a hau rih lo

• 2nd stage: Mah caan ah hin hmanh a herh
o Mah caan hi a tak aphol caan a si (40- 60 hours) a rau
o A chiatha a sen mi le aphing mi a zor deuh
o A chiatha in a chuak mi tiihang a kham deuh lai
o Adang nih an kaih zong a duh lai I a mah zong nih vok dang kha a kaih hna lai
o A keng thlung tongh a duh lai ( Minung nih ii cit zong ah a ngah lai)
o Mah caan hi Vokpa he ton ter a that bik caan a si
o Voknu nih a chit lio caan mah (second stage) ah hin Zing ah voikhat zaanlei ah voikhat na hmanh ah cun a tha bik
• 3rd stage: A phol caan a dih hnu
o Vok nih a keng tongh a duh ti lai lo, tha ten a dir ti lai lo
o A chiatha a sen mi le a phing mi a lo cang lai
o Mah caan ii na hmanh ah hin cun a hnu deuh cang

– Na vok na hmanh ni in ni 21 ah a phol than lo ah cun fa a rai tiah ruah khawh a si.
– Fa an rai lio ah an umnak hmunhma a daih a herh. Thawng thang tuk in chiah lo ding
– Hmanh ni in ni thum tiang lawng vok kha thial khawh a si

– Cu hnu cun a umnak thial ti lo ding, Dai tein um ter ding, per lau ter lo ding
– A herh mi rawl (Nutrition) tha ten pek ding
– Fa an rai lio ah a zawt tuk lo ah cun sii chunh hi hrial deuh ah a tha
– Fa an rai ni in ni 85 tiang kan pek mi rawl hi Vokpi nih a mah caah a hman I ni 85 hnu in kan pek mi rawl I a tam deuh cu Vokfa caah a si caah ni 85 hnu in rawl tlawm deuh in pek ah cun Vokpi a fa ngaih a fawi

– Fa a ngaih lai zerhkhat a duh ah Kutsii (သန်ချဆေး) chunh ah a tha, fa ngaih zong a fawi ter deuh
Acung lei kan rak tial mi bantukin na vokpi na zoh khenh khawh ah cun a hnu a fa hrin nak ding ca zong ah a tha deuh ko lai.
# Vokpi le vokfa zoh khenh ning kong fiang deuh in kan rak tial than te lai

Credit-fidi_veterinary_supplies_and_service ah Satil ngandamnak lei le thlawpnak kong ah pehtlaih khawh peng kan si

Be the first to comment

Leave a Reply

Your email address will not be published.


*