Skip to content
Home » Vom hnit..Zei ruangah dah vom hnit a man ṭhat tuk?

Vom hnit..Zei ruangah dah vom hnit a man ṭhat tuk?

Tuluk cingcing an rak si. Hlan an siangpahrang chan tein zei lei paoh ah an rak ṭhangcho hmasa. Minung pum ca damnak ṭha sii-ai kongkau zongah tampi in an rak kherhlai hmasa bik.

Vom hnit..Zei ruangah dah vom hnit a man ṭhat tuk?

US ramvai pa nihkhin vom hnit khi $ 20 in $ 120 tiang a zuar khawh. Nitlaklei Vunrang pawl nih vom hei si chinchap, a hnit luklak cu zeite ah an rel lo.

Cu US ram i a tam cem ah $ 120 lawng an pekmi Vom hnit cu Tuluk ram ah cun $ 400 in $ 1,000 tiang si kho. Vietnam ah tlawmte a man a fak deuh. South Korea lam ahcun, $ 15,000 nak tlawmlo an hmuh lai.

Mah cucu na zuum men lai lo. South Korea ah vom hnit man a faak bik. Zapan ah a zual chin. Nain, an ram chung ramlak rereng ah vom pakhat hmanh an um ti lo.

A hnit suur duh ah an zuatmi belte an rak um. Rights group phunphai an awnh tuk caah South Korea le Japan ah vom hnit suur dingin vom zuatnak nawl an khap. Cozah phung cun an khap nain, a zua rih tu lam cu an um ko lai dah.

Minung ca i a ṭhami hnit a ngei kho Vom nak phun khi Tuluk ram ah an rak tam lengluang. Vom hnit sii zong cu Tuluk thawk hmasa mi a rak si.

A nung komi vom i a hniit an dawppiakmi khi a sual tuk “very cruel” an ti. Cucaah Tuluk ram zongah vom hnit dawt cu a khenkham ngai cang.

Kawlram i vom kaap pawl nih a hnit an ihmuh khawhmi pawl khi Tuluk sinah an zuar tawn. Tuluk ram cu a kau tuk lawpaw khi si i, Kawlram luklak nih kan hei zuarhmi kan ram thilchuak hna khi cu anmah China pumpi i minthang lo cem le siifak cem ramkulh (province) an timi Yunnan ca lawng khi an si ko cu. South Korea hrawnghrang khuasa Caina ho lakah Yunnan a thei lo an tampi cuh.

Lairam ahkhin vom cu a va um ve ti hnga dek maw? A har taktak cang lai.

Vom hnit nihcun a khamh khawhmi zawtnak chiahru phun an tam ngai. Cu ruang bikah cun si lai dah. Asia lei thilthei hmasa miphun pawl nih an uar.

Vom hnit dah khi Western pawl nihcun adeu ser khawh si an ti. Cu adeu an sermi chemical dah cun an damh duhmi zawtnak thlop le khamh duhnak ah an hman.

Nain, Asia lei ruahning tu cu, cucu a rak si lo. Ai dang. Vom hnit hmanh ah, inn zuat si loin, ramlak amah te i a tlongmi vom i a hnit khi a mak bik, ti si.

Ginseng kong hmuhning zongah ai rak idang. Deer velvet kong hmuhning zong ah ai rak idang tho.

US ram khi ram ṭha taktak rak si kaw, an ram tuhmawng chungah kum 1,000 ginseng baa tehna a rak um. Cu vialte cu Asia leimi nih an rak laakpiak dih cang hna.

Mirang pawl an lung a von fiim ahkhin cun, an tlangpang i ginseng tawba ṭhaṭha vialte Hong Kong le Korea an rak phan dih cang.

Atu lam ahcun, Ginseng cu US zong ah an ciin, NZ le OZ tehna zongah an ciin lulh cang. Credit- Salai C. Alexander

Kan ithawh deng ah khin khuami pakhat nih a rak tli I arti pumhnih lampi ah va ding te tiah a ka pek Chinland Army Kalaymyo