WA Hriamtlai Phu le Min Aung Hlaing Lungtlinnak An Tuah Mi Hna Cu

Myanmar ralhrang hruaitu Min Aung Hlaing le Wa hriamtlai hruaitu pawl hna cu nihin May 30,2022 ah Nay Pyi Taw ah ton biaruahnak an ngei kho hna.

Wa le ralhrang Min Aung Hlaing biaruahnak ahhin Kawlram remdaihnak kong, thachonak kong le a ra laimi Kawlram thimnak kong pawl biatak tein an i ceih mi a si.

Min Aung Hlaing nihhin tlangcung hriamtlai phu 10 he ton biaruahnak ngeih ding a si i phu 4 hrawng cu a ton cang hna. Phu 4 hrawng he biaruahnak chung ah tlamtling ngai in ralhrang lei nihcun an chim.

Nihin ah Wa hruaitu hna le Min Aung Hlaing biaruahnak an tuah. Min Aung Hlaing nih hriamtlai hruaitu phu dang a pek bal lomi thil Wa an hruaitu pa cu a pek. A chung ah zeidah a um timi cu theih fian a si lo nain thil pipa a si hrim lai tiah zumh cio a si.

Wa cu Kawlram chung hriamtlai ah a thazang thawng bik an si. Min Aung Hlaing zong nih a tih ngai mi hna an si. A tongh ngam bak lomi an si. Cu caah ralhrang Min Aung Hlaing nihhin an lungton tu ai zaum peng.

Tlangcung miphun hriamtlai hruaitu pawl hi a hlan ah ralkap he an rak i ton zong ah lakphakti dinnak tibantuk le inn hmun ti bantuk hna ralhrang nih an rak pek hna i an lung a rak awi ngai tawn. Tutan zong hi Min Aung Hlaing nih cite tam ngai in a liah hna lai zumh a um.

Min Aung Hlaing nihcun tlangcung miphun hriamtlai phu 10 he biaruahnak an tuah hnu ah UN nih Kawlram kong ah palai an thlah mi he zong biaruahnak ngeih ding in a sawm.

Tlangcung hriamtlai phu 10 he biaruahnak tuah cuahmah lio kong zong ah Kawlram chung hmunkip ah kahnak a fak i nunnak tampi a liam thiamthiam ko

Be the first to comment

Leave a Reply

Your email address will not be published.


*