Yangon ah kum 6 ngakchia le hringtu nu hri in an i awk


Nizaan zantim ah khan Yangon, North Dagon ah a ummi kum 40 hringtu nu le kum 6 lawng a si rihmi a fanute cu hri in an i awk i nunnak an i la tiah theih a si.

Nufa hna ruak a fimtu pa nih “Minu a vapa nih nungak dang aa chiah caah hri in an i awk. Ngaihchia tuk a si ee,” tiah a chim.

Nufa hna ruak cu mi bawmtu pawl nih nihin zinglei ah an lak i sizung ah an kalpi.

Atulio kan Kawlram ah mah le mah i thahnak hi a tam ngai. Pumpak chungkhar ruang ah mahle mah i thah a um bang i khuasak har ruang ah a thatmi zong an tampi.

SAC ralhrang nih uknak an lak hnu in pawcawm harnak ruang ah mahle mah aa thatmi hi minung 70 hranwg an si cang tiah theih a si.



Source link

Add a Comment

Your email address will not be published. Required fields are marked *