Yangon-Mandalay Lampi Cung A Kalmi SAC Ralhrang Motor Thluan Bomb In An Kah Hna Cah An Cei Taktak

Yangon-Mandalay lampi cungah SAC ralhrang uico motor thluan pathum cu mipi ralkap PdF nih bomb in an kah hna caag ralhrang uico pathum nak tam a hmun ah an thi tiah cathanh an chuah.

Mah SAC ralhrang mitor thluan a kahtu hna hi Ngwahtukyi peng PDF an si.Nihin chun hnu suimilam 1 pm tluk ah Yangon-Mandalay lampi cungah Mandalay lei in Meihtila khuapi lei ah a kalmi ralhrang motor pathum hna cu Mengtung 320 kam ah bomb 11 bak in an kah hna nak kong cu Nwahtukyi PDF nih an thanh.

Ralhrang pathum a thi mi hna cu motor cung an chiah mi hna kan hmuh. Bomb in an puah hna hnu ah mizaw phorhnak motor a rak phan colh hliamtuar ralhrang hna cu Meihtila khuapi lei ah an kalpi hna tiah Ngwahtukyi PDF tuanvo ngeitu pakhat nih a chim.

July nithum ah khan ralhrang uico pawl nih Ngwahtukyi PDF sakhan pakhat cu an luhhnawh i hriamnam tampi an lak lengah mi sawhsawh pakhat an rak tlaih tiah theih a si. Ref-People Spring

Be the first to comment

Leave a Reply

Your email address will not be published.


*