YDF Htilin Nih Ralhrang Ceilak An Thah Ko Hna Hih

Htilinn peng Comission zung din ei in ai nuam mi ralhrang pawl an kah hna caah uico panga an thah khawh hna. Cun Bukyi Nay Lin Aung zong hliamtuar ruanah a zaam tiah YDF Htilin nih thawngthanh.

Maggwe ramthen Htilin peng Election comission zung ah Bukyi Nay Lin Aung nih a hruaimi hna zuding in ai nuam mi ralhrang pawl cu YDaf Htilin nih an luhhnawh hna i kan kah hna caah ralhrang uico minung panga helram ah kan kuat khawh hna tiah YDF Htilin nih people spring ah an chim.

Nizan April 13 chunhnu nazi pathum zongah Htilin khuapi lengchuahnak hmun ah meithat zung ralhrang nih hngakbuk an conghnak hmun kah an timh hmasa hna tiah YDF Htilin nih an chim.Nain mah hlan ah Election comission zung a um i cuka hmun ahcun ralhrang pawl zuu an ding i an i nuam len mi kan hmuh hna caah a tu bantuk in kan kahnak hna a si tiah YDF Htilin nih an chim. Vulawng si lo in meithat zung lei zongah bomb in kahnak kan tuah hna.

YDF Htilin hnu an i thawn lio ah uico ralhrang nih an kan dawi i cuka hmun ah cun kan kap rih than hna caah uico ralhrang minung pahnih kan thah khawh than hna tiah an chim chap. Cun meithat zung i ralhrang pawl bomb in an kah mi hna tu cu an thih le thi lo fiang in kan thei kho rih lo tiah an langhter. YDF Htilin paral tha lei zeihmanh i khawndennak pakhat hma um lo in hnu kan kir kho tiah an chim.

Be the first to comment

Leave a Reply

Your email address will not be published.


*