Yee Oo ah PDF Phu Fonh Hna nih SAC ralhrang Bomb In An Puah Hna Caah 10 Nak Tam An Thi

Yee Oo ah SAC ralhrang bomb puahhnawh an ton caah 10 leng an thi tampi nih hliamhma an pu tiah theih a si.

Sagiang ramthen Yee Oo peng chung ah SAC ralhrang rallam sial a chuak mi hna cu mipi ralkap PDF phu fonh hna nih August ni 8 ah bomb in an puah hna caah SAC ralhrang hi 10 nak tam an thah kha2h hna pin ah hluamtuar tampi an um rih tiah theih a si.

SAC ralhrang hi milu thazaang 120 tluk qn si lai.Kuanung khua an phanh lai ah mipi ralkap nih bomb an puah hnawh hna hi a si. Mah ralhrang pawl hna hi Yee Oo peng nitlaklei Kungthar khua mei in a khanghtu phu an si.Zan ah Chanta khua an lut tiah kan theih caah kanmah PDF phu fonh hna nih bomb in kan va puah mi hna an si. Bimb puah nak hmun ah 7 an thi colh. Cun a hnu ah mwithal in pathum kan kah thqh than hna tiah DRPA chungtel pakhat nih a chim.

I kahnak ah PDF phu fonh lei in hliamtuar pahnih an um. SAC ralhrang a thimi hna pawl cu mei in an i khangh i Kuanpawng khua zong cu mei in an khangh tiah theih a si. Cuka hmun kahnak ah cun DRPA, FRF , Shwebo Pengkomh battalion 9 le 11 hna an si tiah theih asi.

Be the first to comment

Leave a Reply

Your email address will not be published.


*