Yesayu PDF Nih SAC Ralhrang Pehzulh In An Kah Hna Caah 15 Tam Hell Ram An Kuat Hna

Yesayu ah ralhrang ral lam a hun ser mi hna cu mipi ralkap pawl nih nihnih chung pehzulh in an kah hna caah ralhrang uico minung 15 nak tam an thi i Sagaing zongah ralhrang motor lampi ah bomb in an kah hna caah a thi mi an tam kho lengah Gankaw pengchung ah YDF nih ralhrang an kah ve hna caah uico pali an thi i YDF pahnih nunnak a liam tiah theih asi.
Chokhleipar

Magwe ramthen Yesayu peng Yeyatniyua le Shwelung khua karlak ah ralhrang ral lamser tu motor xh mipi ralkap nih June 9 pehzulh in voihnih an kah hna caah ralhrang uico minung 15 nak tam a thi lai tiah theih asi.

Cuka hmun i ralhrang a kahtu hna mipi ralkap hna cu Minchan pengkomh tat-yin 2,MGN-RANGER ,MGN-TIGER ,MGN-21 ၊ MGN-35၊ Shwe-Ao Revolution Force – SARF၊ Tangthar PDF le (CDSOM pawl an i fonh tiah theih asi.Cuvebantuk in Sagaing peng Ungthaw le Sar tlang karlak ah ralhrang khaplak a rak phortu motor ke 12 ngei pakhat cu June 10 ah khan bomb in an kah i motor cu mei nih a kang. Cucaah ralhrang tamlak te an thi lai tiahPHOENIX(SGG) nih thanhnak an tuah.

Cun Magwe ramthen Gsnkaw peng hnulei kam ah ralhrang uico le YDF mipi karlak i kahnak cu June 6 in 9 tiang pehzulh in an i kap caah ralhrang uico pa4 an thah khawh ko hna nain vanchiatnak ah YDF pasatha pahnih nih ram le miphun caah nunnak an pek tiah theih asi.

Nil chung an i kap hnu ah ralhrang uico pawl cu Gankaw hnulei Yusih khuate i mipi ngeihmi i tsmhmuawihna, eiding thil pawl le sui ngun le thilthuam lawng si lo in tangka tiang an lak i zan suimilam 7 tluk ah Gankaw lei ah hnu an kir than tiah theih asi. Ref-Khitthit

Be the first to comment

Leave a Reply

Your email address will not be published.


*