Zahnahtlang Chungah CDF Thantlang Battalion 4 Nih Ritthaisii An Tlaih

ZAHNAKTLANG CHUNG AH CDF-THANTLANG BATTALION-4 (Zahnak Battalion) PALEK NIH HEROIN RITHAISII (No.4) AN TLAIH

CDF-Thantlang Battalion-4 (Zahnak Battalion) palek nih 5 Hniang 2022 zaanlei 4:30 pm hrawng ah Thangzang le Ruakhua lampial Check Gate ah rithaisii (heroine-No.4) 150 gram cu, Fungkah khuami Pu Za Hup le Pu Van Za Ham hna sin in an tlaih tiah kan theih.

Hi an tlaih mi rithaisii hi atulio rithaisii man in sing zahnih ( Ks. 20,000,000) man hrawng a si lai tiah ruahdamh a si. Hi rithaisii hi Kalay lei ah an lak i Khuachak Lairam Sangau ah pek ding in an kalpi lio ah palek nih an tlaih hi a si. Hi hna hi cu hlan zong ah a rak tuah bal mi an si i anmah he a tuahti mi hawi dang siseh, an theihhngalh mi rithaisii zuar dang zong Zahnaktlang chung ah an um rih tiah theih a si.

Hi tlaih mi Pu Za Hup le Pu Van Za Ham hna hi CDF-Thantlang, Battalion-4 biacaih Zung (Department of Judiciary) nih an bia a caih hna lai i aa tlak ning in sualphawtnak tuah dingin timhlamh cuahmah lio a si tiah kan theih.

5 Hniang i Central Youth Lai Association, Kumpuan Onnak ah Lai Autonomous District Council, Chief Executive Member Pu V. Zirsanga nih cun “Myanmar ram in ralzaam kan unau hna, hi te hi nawl kan duh hna, ram buai ruangah inn le lo chuahtak in Mizoram ah nan rak zaam i, kan nih nih kan unau hna tiah dawtnak taktak he kan rak in cohlan hna i a sikhawh chung in kan in bawmhchanh hna, kan in kilkamh hna. Asinain nan kan lehrulh ning hi lungtlin awk a tha lo. Myanmar ramchung ah cun rithaisii hi zalong te le duh paoh i zuar in nan rak kalpi tawn a si kho , sihmanhsehlaw Mizoram ahcun kan duh lo. Zaangfahnak tein rithaisii phun hi cu rak i luhpi ti hram hlah u, hi bantuk a hmangmi nan theih hna ahcun report rak tuah dingin kan in nawl hna.

Cun, hi hi thei ulaw ka duh, hi bantuk a hmangmi kan in tlaih hna a si ahcun kan in zaangfah hna lai lo. Myanmar ram i kuat than cu nan caah a nuamtuk lai. Mithalo tlawmte ruangah midang sualnak ngeilo le mitha tampi nih an temtuar kan siang hna lo, kan sikhawh chungin kan doh peng lai, nan cungah zei paoh a cang kho ti hi rak thei ulaw ti ka duh” tiah a chim.

Khuachak Lairam chung zongah rithaisii hi zalong tuk in zuarthlai khawh a si nenmam lo, Cozah um lio zongah rithaisii cu an tlaih khawh zat an tlaih i thong zong an thlak ko hna – Executive EditorCredit-Thelairamtimes

Be the first to comment

Leave a Reply

Your email address will not be published.


*