Zaw Min Htun A Chim Mi A Hman Ngai, SAC Ralkap Nak In CDF, PDF hi Mipi Nih An Tih Deuh Hna

Myanmar ram mipi pawl nih hin a ngaite ti ahcun SAC ralhrang pawl hi an kan tig lo. An tihmi hna cu PDF pawl hi an si tiag ralhrang chimphuannak nei Zaw Min Htun nih a chim.

A taktak ti ahcun Myanmar mipi pawl nih hin SAC ralhrang pawl hi an kan tih nemman lo. An tih tak mi hna hi mipi runvengtu tiah min ai sak mi PDF pawl Le CDF pawl hi an si tiah nihin Naypyidaw ah tuah mi ralhrang press conference ah Zaw Min Htun nih a chim.

Cun a chim rih mi cu tlangcung hriamtlai phu pawl hna zong hi ralhrang SAC lei zong si lo in Khuaika lei hmanh in an tan lo lengah mipi pawl nih hin SAC ralhrang hi tih lo in PDF pawl deuh hi an tih hna tiah a chim fawn.

Nan ka zumh lo ahcun thatein in hal hna uh. Media pawl nih mipi pawl va hal hna hmanh uh SAC ralhrang kan tih ti lo in PDf pawl kan tih tiah an in leh hna lai. Hi Zaw Min Htun nih a chim mi ruah tik ah kamkhat lei in cun a hman pah ve ko ti khawh a si. Nain PdF zapi cu si lo in cheukhat PdF le CDF pawl hi ralhrang nak in tih anung deuh mi an um len.

Nain Yangon um khuami pakhat nihcun SAC ralhrang ta kan tih hna. Kan tih tuk hna cu ta. Hriamnam meithal an bgeih cu ta. Sang kip ah zeitindah an sual timi cu hmuh khawh an si ko hen cu. Zeihmanh ai sai lo mi zong tlaih. Phaisa zong chuh. Nizan zanlei hrimhrim ah Hlaingthatya i thil zuar mi hna pawl an dawr hrawh le mei in an khangh. Anmah ralhrang SAC cu pei kan tih hna seh tiah an um cu tiin a chim. Source-Ayeyarwaddy_Times

Be the first to comment

Leave a Reply

Your email address will not be published.


*