Skip to content
Home » Zei bantuk caan ah dah urgent care ah vai piah hau timi khi a thei lo mi caah

Zei bantuk caan ah dah urgent care ah vai piah hau timi khi a thei lo mi caah

Kei ka riantuanmi hi emergency room ah ka tuan. Mirang/minak/midum a zeizei ti loin a caan ahcun Zei bantuk hi dah siizung pi ah kal hau i Zei bantuk caan ah dah urgent care ah vai piah hau timi khi a thei lomi an rak tamtuk.

Zei bantuk caan ah dah urgent care ah vai piah hau timi khi a thei lo mi caah

A caan ahcun tlangrai sawh, kut dong fah hei ti maw, Zei maw hme tete ahkhin siizung pi kal hmangmi an um tawn. Siikhan hme deuh ah thlop khawh ding tiang a rami ah um. A cheu le an thih deng lai lawng ah siizung phan mi an um ve hoi.

Kan nih khi a hmailei hngahnak kan tuan chel a hnu lei khaan ah kan tuan chel. Hmailei kan tuan ahkhin a hnu lei ah an rak i manh lo tuk, khaan te hna a lawn lo khi an rak thei tawn lole ziah mahtluk rau nan kan hngah ter tiah a zaimi le aukhuangmi hi an tamtuk tawn. A zual lo deuh mi ko khi a buai deuhmi an si hoi. A caan kan i manh lo tuk i khaan kan ngeih bak lo ahcun a hnu lei in rak rat pimi pawl zong an hngah caan a um tawn.

Kan nih siizung hna cu a ngan tuk i ER lawng ahkhin khaan zakhat deng kan ngei. Mah cu ahcun a hnu lei in ambulance in rak luh pimi an rak tamtuk. Khi ti nan hngah tawnmi khi a hnu lei ah a rak zual tukmi an um i khaan a lawn lo ruang a sikho, asiloah sii saya/mah te an tlawm deuh mi an phakzo lo asikho, asiloah siizung ning piin mizaw an khat tuk tawn i inn cung khaan kal ding hna ER ah an to a herh caan zong asikho. Siizung pi kal herh lo zong a kal mi kan tamtuk tawn ca zongah kan i manh lo tuk le phakzo lo ruang zong a si kho.

Laimi tam deuh zong hi kan fa le an zawt men ahcun siizung pi kalpi ding kan ruat peng. Zeitik caan ah dah siizung kal sihlaw a tha hnga tibantuk zong ruah a hau pah cang rua ka ti.

Siizung pi nan kal tikah, nan zawtnak a langnnak na kan chimh dih i mah cu zoh buin cun a zual tuk, a zual pah, a zual, zual lo deuh tiin saya/mah te nih numbers kan chiah cio. Cu nih cun nan hngah caan sau le tawi zong a ngeih ter ngai.

Hmailei zei bantuk caan ah dah siizung kal sihlaw tha silo ah siikhan ah kal usih law tha hnga timi ka rak tial than te lai.Credit-HappyERNursesWeek,Katie Vanzi Fb

Kan ithawh deng ah khin khuami pakhat nih a rak tli I arti pumhnih lampi ah va ding te tiah a ka pek Chinland Army Kalaymyo