ZRA An Hungchuak Than Cang CNF/CNA le CJDC pawl Ralrin An Pek Hna

Kanmah hmunhma chung sianginn pawl nan thihphaih hna sual ahcun action kan lak lai tiah ZRA nih an thanh.

ZRA cawlcanghnak hmunhma chungah sianginn hrawk ti bantuk le thihphaihnak pawl an tuah ahcun action kan lak hrimhrim lai tiah ZRA nih May 30 ah cathanh an chuah.

Covid ruangah le ram buainak ruangah siangngakchia pawl sianginn kai lo in kum hnih chung an ngol cang caah ZRA nih kan humhaknak hmunhma chungah sianginn on kan i timh cang tiah Director Pu Zothang nih CNI ah a chim.kanmah nihcun sianginn on kan duhtuk cang ko nain CJDC chinland Join pawl nih sianginn in lo ding in an kham tik ah kan lung a tha bak lo.

Chin ramkulh chung vialte ralhrang uico nih an on mi sianginn poah ah khuanu pa poah nih kan fale sianginn kai ter lo ding le kanmah nih kan on mi sianginn ah kan fanupa sianginn rak app cio ding in CJDC nih May 30 ah cathanh an chuah. Ralhrang nihcun sianginn kan on lai i mipi pawl nih kan onn mi sianginn ah an kai duhtuk cang tiah vawleipi hlen an timh mi a si tiah CJDC secretery Salai Timmy nih CNI ah a chim.

CJDC nih ZRA cu ralhrang lei tang phu tiah an ti ve hna.Cu vebantuk in ZRA zong nih kan humhaknak hmun i sianginn, siizung le siikhan hna ngandamnak innlo hna hhrawk le, siang cachim saya, sayamah le ngandamnak rian tuangu pawl hna thihphainak tuah pawl a chuah ahcun action kan lak lai tiah ZRA nihcun cathanh an chuah.

ZRO/ZRA phu hna cu Tidim, Tuzang telh in Myanmar- India ramri Manipur ramri hmunhma hrawngah a cawlcangh mi hriamtlai phu an si hna. A liamcia kum 2021 December chungah India ramri pawng ah ZRA le CNF/CNA karlak i kahnak a rak chuak bal cang. Ref-CNI

Be the first to comment

Leave a Reply

Your email address will not be published.


*