ZRA nih NUG he Ramri Hmunhma Hnatlaknak kan nei ko bu ah Chin ralkap nih an kan kah hmasa ruangah buainak a chuak an ti

NUG he hmunhma umnak hnatlaknak kan ngei ko bu ah Chin ralkap phu nih an kan kah hmasa mi a si tiah ZRA nih CNI ah an chim.

2022,April, 20

NUG cozah he ramri hmunhma umnak kongkau he pehpah in lungtlinnak kan ngei ko bu ah Chin ram ralkap phu fonh nih an kan kah hmasa ruangah kaphnih buaibainak a chuah mina si tiah Zomi revolution Army chimphuannak nak ngei Pu Zo Thang nih Channel News International ah a chim.

India ram Manipu hrambunh ah hmunhma a khuar mi ZRO/ZRA cu ralhrang phu he i komh in Chin ram CDF a kah hna caah ralhrang bu tiah Chin ralkap phu fonh CJDC nih cathanh an chuah.

Chin ralkap phu fonh nih ZRA cu an kan kah hmasa, a ngaite ti ahcun tulio CJDC nih ralhrang tiah an kan timi hi a fekmi tette a um lo tiah India ram Manipur hrambunh hmunkhuar ZRA chimnak nei Pu Zo Thang nih CNI ah a chim.

” Kanmah hmunhma le ram vawlei cu humhimnak rian kan ngei, kum 2021 April hrawng ah khan NUG rumvennak vunci U Ye Mon he tonnak kan ngei lio ah kanmah le hmunhma vawlei cu Chin hriamtlai phu nih runveng ko uh tiah a kan timi a si cang ko tiah” Pu Zo Thang nih a chim. Cun PDF training tuahtu an um zongah nanmah le mah i bawm hna uh tiah a chim mi a si cang. Cun kanmah kan vawlei le humhimnak kan tuahnak ah anmah Chin ralkap phu nih an rak kan kah hmasa caah kanmah nak in anmah tu kha ralhrang phu an si deuh tiah Pu Zo Thang nihcun a chim chih.

Cu lawng si lo in ZRA nih CDF tlaih le CDF a kah hna timi sualpuhnak pawl hi a dik lo mi a si lengah anmah CDF nib thazaang i fonh in an kan tuk hmasa mi a si ko tiah a chim.

Kanmah nih kan kah hmasa hna lo. December 17 ah kanmah hmumhma kan zohfelnak lio ah anmah nih ralkap thaazaang 70 tluk he kan ralkap milu 30 cu khua pakhat an i dinhnak zaan ah anmah tein thisen luan an i timh i an kan kah hmasa mi a si caah anmah tu kha ralhrang phu an si deuh tiah Zo Thang nih a chim.

ZRA ralkap pawl hi Chin talkap phu
Fonh CJDC nih ralhrang phu an si caah an cilhmih ding tiah kum 2022 April 1 ah cathanh an chuah. CJDC cu CNF/CNA he Chin ramkulh chung CDF phu 18 he an dirh mi phu a si. A liamcia kum 2021 December chung ah khan India ramri ah ZRA le CNF/A he i kahnak a rak chuak bal cang mi an si.Hmanthlak: ZRA

Be the first to comment

Leave a Reply

Your email address will not be published.


*